Best gujarati gazals

💓💖💓💖💓💖💓💖💓💖💓💖💓💖💓

❛એક તરફ તો તડપાવે વરસાદ મને,
બીજી તરફ તરસાવે તારી યાદ મને.

કોઈ કહે કે તું નહીં આવે હવે ક્યારેય,
ને ખુંટતા લાગવા લાગે છે શ્વાસ મને.

તારા વિના દરેક દિવસ એક શ્રાપ છે,
અને હવે સદા રડાવે, દરેક રાત મને.

ગાંડો કહે મિત્રો તુજમાં ખોવાઉં છું તો,
એકાંતમાં કેમ હસાવે તારી વાત મને.

ખોઈ દઈશ અસ્તિત્વ તારું તું 'અખ્તર',
તને ભૂલાવવા ડરાવે મારી જાત મને.❜
- અખ્તર

💓💖💓💖💓💖💓💖💓💖💓💖💓💖💓

❛કહ્યું કોણે કે તારી પરવા કરું છું?
હું બસ તારા સુખની તમન્ના કરું છું.

તને હું સ્મરું છું ને ભૂલ્યા કરું છું,
હું જીવતરના બે છેડા સરખા કરું છું.

આ સમજણ, આ વળગણ, આ દર્પણ યા કંઇ પણ,
અકારણ–સકારણ હું તડપ્યા કરું છું.

મને પામવા તું પરીક્ષા કરે છે,
તને પામવા તારી પૂજા કરું છું.

ઘણીવાર આ પ્રશ્ન જાગે છે મનમાં,
ખરેખર જીવું છું કે જીવ્યા કરું છું.

હવે જીતવાની મજા પણ મરી ગઇ,
તું હારે છે તેથી હું જીત્યા કરું છું.❜

💓💖💓💖💓💖💓💖💓💖💓💖💓💖💓


❛એ સાંભળ, સપનાંમાં આવને,
હૈયાના આ, નકશામાં આવને.

હીંચકા ખાઈશું એક સાથે પછી,
ઘર પાછળ બગીચામાં આવને.

છાંવમાં શું બેસવું એકલું એકલું,
હવે આ મીઠા તડકામાં આવને.

મંજિલે પહોંચીશું ભેગા મળીને,
તું પ્રેમના આ રસ્તામાં આવને.

વિરહના તોફાને ઘેર્યો 'અખ્તર',
નાવ બનીને દરિયામાં આવને.❜

💓💖💓💖💓💖💓💖💓💖💓💖💓💖💓


કેમ ભૂલી ગયા? દટાયો છું,
આ ઈમારતનો હુંય પાયો છું.

હું હજી પૂર્ણ ક્યાં કળાયો છું,
અડધોપડધો જ ઓળખાયો છું.

વિસ્તર્યા વિણ બધેય છાયો છું!
હું અજબ રીતથી ઘવાયો છું!

આમ તો એક બિન્દુ છું કિન્તુ,
સપ્તસિન્ધુથી સંકળાયો છું!

સૂર્યની જેમ સળગ્યો છું વર્ષો,
ચન્દ્રની જેમ ચોડવાયો છું.

વઢ નથી વિપ્ર, આ જનોઈનો,
આમ હું આડેધડ કપાયો છું.

રામ જાણે શું કામ હું જ મને,
સર્પની જેમ વીંટળાયો છું.

એ જ છે પ્રશ્ન: કોણ કોનું છે?
હું ય મારો નથી, પરાયો છું!

સાચું પૂછો તો સત્યના પંથે,
ખોટી વાતોથી દોરવાયો છું!

ઊંચકે કોણ આ પંથ ભૂલ્યાને?
આપ મેળે જ ઊંચકાયો છું.

મીંડું સરવાળે છું છતાં ‘ઘાયલ’,
શૂન્ય કરતાં તો હું સવાયો છું.

– અમૃત 'ઘાયલ'

💖💓💖💓💖💓💖💓💖💓💖💓💖💓💖


❛ટપ કરીને એક ટીપું
પડ્યું તેના ગાલ પર,

લુંછી લીધું મેં ટીપાંને
મારા હાથરૂમાલ પર,

સાચવી રાખીશ આ
ટીપાં ને આખી જીંદગી,

સમજી ગઈ ને ખુબ
હસી મારા હાલ પર.❜
- અખ્તર

💓💖💓💖💓💖💓💖💓💖💓💖💓💖💓.

તમારા હાથનો એક પ્યાલો પાણી પી ગયેલો છું,
થયું છે શું કે આ લોકો કહે બહેકી ગયેલો છું !

કહી દો મોતને કે ધાકમાં લેવાનું રહેવા દે,
હું એનાથીય અઘરી જિંદગી જીવી ગયેલો છું.

કોઈ આવીને ઓગાળે મને શ્વાસોની ગરમીથી,
કશી ઉષ્મા વિના વર્ષોથી હું થીજી ગયેલો છું.

મને તું ઘર સુધી દોરી જા મારો હાથ ઝાલીને,
ગલીના નાકે ઊભો છું ને ઘર ભૂલી ગયેલો છું.

ખલીલ,ઉપરથી અકબંધ છું,અડીખમ છું, એ સાચું
છે,
પણ અંદરથી જુઓ ! ક્યાં ક્યાંથી હું તૂટી ગયેલો છું......
-ખલીલ ધનતેજવી

🌹🌹🌹❤❤❤🌹🌹🌹❤❤❤🌹🌹🌹


અર્થ જુદો, અવાજ જુદો છે
 લાગણીનો રિવાજ જુદો છે

 લોકલાજે ઊભો છું ટોળામાં
 દોસ્ત, મારો સમાજ જુદો છે

 કાલનો એક જે હતો ફોટો
 રંગ એનોય આજ જુદો છે

 ગામનાં ગામ છે વળ્યાં ટોળે
 દુઃખનો કાંટાળો તાજ જુદો છે

 દર્દ સઘળાં લખાય શી રીતે ?
મૌનનો પણ મિજાજ જુદો છે

 હર વખત 'હર્ષ' મન મનાવું છું
 આ વખતનો ઇલાજ જુદો છે
-હર્ષ બ્રહ્મભટ્ટ


🌹🌹🌹❤❤❤🌹🌹🌹❤❤❤🌹🌹🌹



❛રૂપ કૈફી હતું, આંખો ઘેલી હતી,
ને હથેળીમાં એની હથેળી હતી
મન મહેકતું હતું, ભીના કંપન હતા,
એની સાથે મુલાકાત પહેલી હતી.

આંખમાં એક દરિયો છુપાયો હતો,
પણ શિશુ જેવો નિર્દોષ ચહેરો હતો
છોકરી મારી સામે જે બેઠી હતી,
ખૂબ અઘરી હતી, સાવ સહેલી હતી.

મીઠી મુંઝવણ હતી, હોઠ તો ચૂપ હતા,
જો હતો, તો હતો મૌનનો આશરો
એણે જ્યારે કહ્યું, હું તને ચાહું છું,
જિંદગી એક પળમાં ઉકેલી હતી.

જોતજોતામાં બસ એ રિસાઇ ગઇ,
પણ દૂરના જઇ શકી મારાથી એ
ફેરવી તો લીધું મોઢુ છણકો કરી,
પીઠથી પીઠ તો પણ અઢેલી હતી.❜
- શોભિત દેસાઇ

🌹🌹🌹❤❤❤🌹🌹🌹❤❤❤🌹🌹🌹


❛નામ... તરહી ગઝલ...

હવે પંખી જો થાશું તો સદાએ નાચતા જઇશું..
અમે બે ચાર પીંછા ડાળને પણ આપતા જઇશું...

અમે આવ્યા હતા શું લૈ.! જવાના પણ હવે શું લૈ..
કરીશું કામ એવું, હાક તમને મારતા જઇશું...

ભરેલા કેટલા છે આંખમાં સમણા અમારીએ..
હવે જો જો તમારી આંખમાં પણ આંજતા જઇશું...

હ્રદયમાં લાગણીઓને ભરીને પણ તમે ચૂપ છો..
સમય આવી ગયો એને અમે નિતરાવતા જઇશું...

બહું સુંદર છે ઇશ્વરના "જગત"ની એ બનાવટ પણ..
તમે પણ જોઇ લેજો એક નામજ જાપતા જઇશું...❜

🌹🌹🌹❤❤❤🌹🌹🌹❤❤❤🌹🌹🌹



નઝમો અને ગઝલોનું તો છે માત્ર બહાનું
બાંધુ છું બધી રીતે જમાનાના પવનને
                    --------
દિલ છે જુદી તરફ અને બુદ્ધિ બીજી ભણી
આ કયાં લઈને ચાલ્યા છે મારા કદમ મને
                     ------------
મને ખંજરની તેજસ્વીતા ગભરાવી નથી શકતી
કે હું જોયા કરું છું જે ચમક છે મારા કાતિલમાં
                    -------------
બાકી રહે જો બાગ તો પાનખર છે કબૂલ
એમાં ભલે વસંતની મોસમ નહીં રહે
                     ------------
કર્તવ્ય  પ્રેમનું  છે  પ્રતિક્ષા  કરીશ  હું
તમને ન હોય પણ મને કિંમત વચનની છે
                    --------------
શોચી રહ્યો છું કેટલાં વર્ષોથી તારી યાદમાં
નવરાશ જો તને મળે પળભર જરા વિચાર કર
                    -------------
જો બતાવો મને પ્રણયની દવા
હું 'મરીઝ' આપને સલામ કરું

                --મરીઝ--


🌹🌹🌹❤❤❤🌹🌹🌹❤❤❤🌹🌹🌹.


માન્યું કે આંખમાંથી
ખારાશ જેવું કંઈ પડ્યું,
પણ એ કઇ આખનું હતું?
એ તને ખબર?

માન્યું કે ડાળમાંથી
પીળાશ જેવું કંઇ ખર્યુ,
પણ એ કઇ ડાળીનું હતું?
એ તને ખબર?

માનયું કે રણમાંથી
મૃગજળ જેવું કંઇ મળ્યું,
પણ એનું અસ્તિત્વ કેટલું?
એ તને ખબર?

માન્યું કે હ્રદયમાંથી
વેદના જેવું કંઇ ખુચ્યું,
પણ એનું કારણ શુ હતું?
એ તને ખબર?

માન્યું કે ગુલાબ પાસેથી
ઓશ જેવું કંઈ જડયું,
પણ એનો પ્રેમ કેવો?
એ તને ખબર?

💞🌹💞🌹💞🌹💞🌹💞🌹💞🌹💞🌹💞

તું કહે તો બધું ભુલાવી ને
તારી સાથે આગળ વધવું છે.
નદી ઓ ને પણ
સમુદ્ર માં જ તો ભળવું છે.

દુનિયા નું તે બઉ સાંભળ્યું
મારે પણ તને કંઈક કહેવું છે.
જીવનભર શોધતો રહ્યો એજ તક
સાંભળ ને મારે પણ કંઈક કહેવું છે...

આત્મસમર્પણ ની ચેષ્ટા માં
મારે પણ કંઇક બનવું છે...
નથી રહ્યો હવે કોઈ મોહ જીવન માં,
મારે તો બસ તારા માટે કંઈક બનવું છે...

એ નદીઓ પાર કરી ને
મારે નિજ કિનારે આવવું છે...
તું હોઇશ ત્યાં રાહ જોતી...
એવું મારા હૃદય નું માનવું છે...

નથી કોઈ લક્ષ્ય બીજું જીવન માં,
તું મારી બને એ અપેક્ષા સાથે જીવવું છે .
ભગવાન ને બસ રોજ પાર્થનામાં ,
સદાય તને જ માંગતા રહેવું છે.

વાદળો થી ભરાયેલા આ આકાશમાં
મારે સૂર્ય નો પ્રકાશ બની રહેવું છે...
ભલે બેઠી તું ઓરડાનાં અંધકારમાં
મારે ત્યાં "લાઈટ" બની રહેવું છે.

-લાઈટ

 💞🌹💞🌹💞🌹💞🌹💞🌹💞🌹💞🌹💞
સામે નથી કોઈ અને શરમાઈ રહ્યો છું,
હું પોતે મને પોતાને દેખાઈ રહ્યો છું.

આ મારો ખુલાસાઓથી ટેવાયેલો ચહેરો,

ચૂપ રહું છું તો લાગે છે કસમ ખાઈ રહ્યો છું.

એક વાર મેં ફૂલો સમો દેખાવ કર્યો’તો,
આ એની અસર છે કે હું કરમાઈ રહ્યો છું.

ગઈ કાલે અમસ્તા જ હું થોડુંક હસ્યો’તો,
આજે એ વિચાર આવતાં ગભરાઈ રહ્યો છું.

તારા લીધે લોકો હવે નીરખે છે મને પણ,
કાગળ છું હું કોરો અને વંચાઈ રહ્યો છું.

મારા વિશે કોઈ હવે ચર્ચા નથી કરતું,
આ કેવી સિફતથી હું વગોવાઈ રહ્યો છું.

કહેવું છે પણ ‘સૈફ’ અને કહી નથી શકતો,
શબ્દોની છે દીવાલ ને દફનાઈ રહ્યો છું.
                      ~‘સૈફ’ પાલનપુરી

💞🌹💞🌹💞🌹💞🌹💞🌹💞🌹💞🌹💞
ખુદની સાથે  મળવાનું રહી ગયું,
ભીતર તરફ વળવાનું રહી ગયું !

ટીકા કરતા રહ્યા હંમેશા અન્યની,
અને ખુદને પરખવાનું રહી ગયું !

દૂરના સંબંધોમાં વ્યસ્ત રહ્યા સદા,
નિકટના સાથે ભળવાનું રહી ગયું!

કાબાથી કાશી સુધી પથ્થર પૂજ્યા કર્યા,
અને, ઈશ્વરને ઓળખવાનું રહી ગયું!

ગણ્યા કર્યા પેલા મુઠ્ઠીભર સિક્કા વ્યર્થ,
અને પેલું સુખ ગણવાનું રહી ગયું ! 

બે થોથા ભણી લીધા ને હોંશિયાર થઇ ગયા,
પણ, જ્ઞાન સમજવાનું રહી ગયું  !

ઝપાટાભેર વહી રહી આ જિંદગી
અને સાલું......
આ જીવવાનું તો રહી ગયું !!


💞🌹💞🌹💞🌹💞🌹💞🌹💞🌹💞🌹💞

આજ ઘર બધાના માથે ચઢ્યું,
કેમકે શાકમાં મીઠું વધારે પડયું...

કોકનુ કંઈક મોં બગડ્યું,
તો કોકે વળી અન્ન છાંડ્યુ...

ને કોક તો રીતસરનું લડી જ પડયું
કેમકે શાકમાં મીઠું વધારે પડયું...

સ્હેજ ખારાશ વધી,
એમાં તો મને ય જાણે ખટાયુ...
પણ ના જાણ્યું કોઇએ,
કે કેમ કરીને આવું બન્યું...

બહુ સાચવ્યુ,
તોયે એ સાચવી ના શકી...
ને એક આંસુ,
સીધુ શાકમાં પડયું...

લાગણીની વાત ના કરશો,
સાહેબ...
અહીં તો બસ,
શાકમાં મીઠું વધારે પડયું...

લાગણી જો સમજાય
તો મન ને પૂછજો :
"ક્યાંક અન્નપૂર્ણા નું મન દુભાયું?"

...ને જો કયારેક એમ બને
તોય પ્રેમ થી જમીને
અંતર માં ખંખોળજો કે...
"કેમ શાકમાં મીઠું વધારે પડયું?"


💞🌹💞🌹💞🌹💞🌹💞🌹💞🌹💞🌹💞

રોજ શુ કહ્યા કરો છો દોસ્તો
          ચહેરો રડતો તારો સારો નથી

સપના અહીં બધા દેખે છે
         કાઈ વાંક ખાલી અમારો નથી

હું જે કરું છું એજ કરવું રહ્યું
            બીજો હવે કોઈ આરો નથી

નાવ એવા દરિયે મેં હંકારી છે
            જેનો કોઈ કિનારો નથી      

જવાદેને આ સ્મિતના પ્રયત્નો
             આ જન્મે તારો વારો નથી    
           
કોઈ શુ કરે  તને ઉપેક્ષિત
            ખુદ ખુદાનેય તું પ્યારો નથી
                      -  વિકી 'ઉપેક્ષિત


💞🌹💞🌹💞🌹💞🌹💞🌹💞🌹💞🌹💞